Flug Verona á lægsta verði með PLAY frá 20.730 kr. *

Ódýrt flug til Verona

PLAY flýgur til Verona Villafranca flugvallar (VRN). Flugvöllurinn er staðsettur 11 km frá miðbænum en aksturinn inn í miðja Verona tekur um það bil 15-20 mínútur. Leigubílaraðir eru staðsettar rétt fyrir utan komusvæðið en einnig ganga rútur frá flugvellinum til ýmissa staða í Verona og nærliggjandi svæða. Frekari upplýsingar er að finna á opinberri heimasíðu Verona-flugvallar.

Upplifðu vetrarparadísina Verona

Verona á Ítalíu er mögulega frægust fyrir rómantískustu svalir í heimi en það er miklu meira að sjá, skoða og upplifa í þessari heillandi borg en bara sögusvið Rómeó og Júlíu. Verona er frábær áfangastaður fyrir hagkvæma og ógleymanlega vetrarferð enda er stutt að fara þaðan í fyrsta flokks skíðasvæði í stórbrotnu landslagi.

Verona er staðsett í norðurhluta Ítalíu og er því í þægilegri fjarlægð frá ítölsku Ölpunum enda frábær áfangastaður fyrir skíða- og snjóbrettafólk. Það er stutt að fara til að komast í réttu brekkurnar á einhverjum af fjölmörgum skíðasvæðunum í nágrenninu, þar á meðal hinu vinsæla Montecampione skíðasvæði eða fjölskylduvæna skíðasvæðinu Malga San Giorgio. Með úrvali skíðasvæða og hagkvæmum valmöguleikum á aðgangi og tækjaleigu er Verona spennandi og oft ódýrari valkostur fyrir vetraríþróttafólk.

Fegurð, fornminjar og mögnuð matargerð í Verona

Eftir góðan og gefandi dag í brekkunum er tilvalið að rölta um gullfallegan og sögulegan miðbæ Verona, sem er á heimsminjaskrá UNESCO enda sneisafullur af rómverskum rústum og fornminjum, fallegum torgum og flottum kaffihúsum. Ekki missa af hinu víðfræga Arena di Verona, töfrandi rómverska hringleikahúsinu en þar er regluleg dagskrá af óperusýningum og tónleikum allt árið um kring.

Auk skíðaiðkunar og skoðunarferða er Verona þekkt fyrir dýrindis matargerð og vín. Smakkaðu á bestu kræsingum Verona, s.s. risotto all'Amarone, eða leyfðu þér sneið af gómsætri pandoro, sem er hefðbundin jólakaka svæðisins.

Verona býður upp á töfrandi landslag og ríka sögu á viðráðanlegu verði. Þetta er fullkominn áfangastaður fyrir skíða- og snjóbrettafólk sem langar í sannkallaða vetrarparadís í bland við glæsilega borgarferð og fágaða menningu. Bókaðu flugið í dag og upplifðu allt það besta sem Verona hefur upp á að bjóða!