PLAY bloggið

Það allra besta af Bologna

Má kynna þig fyrir Madríd?

Viðburðadagatal Toronto: 8 ómissandi viðburðir

Toronto í Kanada er ótrúlega fjölbreytt menningarstórborg. Þetta er ekki bara ein fjölþjóðlegasta borg í heimi heldur einn besti ferðamannastaður í Norður-Ameríku. Toronto er stærsta borg Kanada og sú fjórða stærsta í Norður-Ameríku en í borginni búa rúmlega 6,3 milljónir. Fyrir vikið er nóg að gera í viðburðum og menningarlífi allan ársins hring í Toronto. Hér má finna allt frá íþróttaviðburðum til matar- og menningarhátíða ásamt fjölda tónlistar- og listviðburða. Það er eiginlega allt í boði í Toronto!     Við höfum tekið saman nokkra eftirlætis árlega viðburði borgarinnar:

25. May 2023

Ódýra leiðin til Verona

Verona er einn besti áfangastaður Ítalíu sem er þó nokkuð þrekvirki því þetta sögufræga land er sneisafullt af mögnuðum og gullfallegum stöðum. Í Verona blandast saman saga, menning og rómantík og úr verður spennandi áfangastaður fyrir alla aldurs- og áhugahópa.   Það sakar síðan ekki að í Verona má finna mjög áhugaverða afþreyingu sem kostar ýmist lítið eða ekki neitt. Njóttu þess að ferðast fyrir minna og skemmtu þér konunglega í áhyggjulausu fríinu.    Við höfum tekið saman okkar uppáhalds ódýrari afþreyingu í Verona:

19. May 2023

Að velja réttu eyjuna: Hvaða Kanaríeyja hentar þér best?

Spænsku Kanaríeyjurnar, undan ströndum Afríku, eru einhverjir vinsælustu áfangastaðir Evrópubúa. Allar eru þær eldfjallaeyjur með gullfallegri strandlengju og fullkomnu loftslagi allt árið um kring. Þangað flykkjast ferðamenn til að láta líða úr sér í sólinni, stunda hressandi íþróttir á sjó og landi og slaka á þess á milli í góðu fríi. En þótt þær séu allar keimlíkar hafa Kanaríeyjurnar allar sinn einstaka karakter. Fyrir vikið getur verið vandasamt að velja hárrétta áfangastaðinn sem hentar hópnum. PLAY flýgur til Tenerife, Gran Canaria og Fuerteventura í eyjaklasanum en þær hafa allar sína einstöku kosti. Hér förum við yfir Kanaríeyjurnar okkar og hver þeirra gæti hentað þínu draumafríi best.

4. May 2023

Skíðasvæði í nágrenni Verona: Stuttur leiðarvísir

Verona er gullfalleg borg í norðurhluta Ítalíu sem er þekkt fyrir ríka sögu sína, frábæran mat, arkitektúr og að sjálfsögðu, svalirnar frægu úr Rómeó og Júlíu. Ef Ítalía kallar en mannmergðin í Róm virkar yfirþyrmandi er Verona, líkt á nágranni hennar Bologna, tilvalinn áfangastaður fyrir ítölsku borgarferðina.  Að því sögðu er Verona vetraráfangastaður PLAY enda frábær borg þegar halda á í skíðaferðina. Verona er staðsett skammt frá ítölsku Ölpunum en þar er að finna fyrsta flokks skíðasvæði, magnað landslag og frábæra aðstöðu í alla staði. Á skíðasvæðunum í nágrenni Verona má finna aðstæður fyrir alla getuhópa og fyrir vikið er þetta frábær staður, fyrir byrjendur jafnt og þá sem vilja ná meiri árangri í sinni skíðaíþrótt.  Hér förum við yfir það helsta sem varðar skíðaferð til Verona og af hverju Verona er mögulega hinn fullkomni skíðaáfangastaður.

4. May 2023

Bestu dagsferðirnar frá Glasgow

Glasgow er ein skemmtilegasta borg Bretlands. Hér er að finna áhugaverða list, sögu, afþreyingu og einhverja vinalegustu borgarbúa í heimi. Glasgow er auk þess stærsta borg Skotlands og sú fimmta stærsta í Bretland. Fyrir vikið er nóg að sjá og skoða í Glasgow.   Að því sögðu er Skotland ekki mjög stórt land og hér eru almenningssamgöngur til fyrirmyndar og því er Glasgow líka tilvalinn staður fyrir þá sem vilja bæta dagsferðum við borgarferðina og sjá meira af Skotlandi, s.s. Edinborg, Arran, Loch Lomond og Aberdeen. Frá Glasgow er aldrei langt að fara til að sjá sögufræga staði, náttúrundur og gamla kastala.   Við höfum tekið saman lítinn lista um góðar dagsferðir frá Glasgow í Skotlandi:

26. Apr 2023

Hvað leynist í skurðum Amsterdam?

Amsterdam er borg fágaðra lista og hámenningar í bland við spennandi og framsækna jaðarmenningu. Eitt helsta einkenni borgarinnar er þó víðfeðmt kerfi síkja eða skurða sem kallast grachten. Síkjahringurinn Grachtengordel hefur verið á heimsminjaskrá UNESCO frá árinu 2010 og ekki að ástæðulausu enda eru skurðirnir gríðarlegt verkfræðiafrek og umhverfið gullfallegt á að líta.

22. Mar 2023

Ódýra leiðin til Glasgow

Glasgow er kannski ekki fyrsta borgin sem þér dettur í hug þegar þú hugsar um ferðalög til Bretlands en hún er ein skemmtilegasta, sögufrægasta, listrænasta og hagkvæmasta borg Bretlands. Það er síðan óneitanlegur plús að flugið frá Íslandi er stutt og Glasgow er oft nefnd vinalegasta borg í heimi, en hér býr litríkt alþjóðasamfélag sem er rómað fyrir góða stemningu.   Glasgow er stærsta borg Skotlands en þar er að finna mikið úrval spennandi safna, frábært næturlíf, úrval íþróttaviðburða, risastóra tónlistarsenu, magnaðan arkitektúr og margt fleira.   Eftirfarandi er listi yfir ódýra en skemmtilega afþreyingu í Glasgow í Skotlandi:

7. Mar 2023

Óvenjulega hliðin á Glasgow í Skotlandi

Glasgow er stærsta borg Skotlands og fimmta stærsta borg Bretlands en þar er að finna framúrskarandi næturlíf og úrval sögufrægra staða. Þetta er líka frábær borg til að ferðast ódýrt og fullkominn staður fyrir þá sem vilja fara í dagsferðir og sjá meira af Skotlandi eins og Edinborg, Loch Ness, Loch Lomond, Aberdeen, og sjálft England. Þessi lifandi borg er sneisafull af frægum stöðum og eftirsóttri afþreyingu.  En Glasgow býr líka yfir ótrúlega áhugaverðum og öðruvísi stöðum sem vert er að sjá og skoða. Þessir földu garðar, kirkjugarðar frá Viktoríutímabilinu, hreyfileikhús, neðanjarðargöng og fleira eru sannkallaðir faldir fjársjóðir og perlur fyrir þá sem vilja upplifa eitthvað öðruvísi.  Eftirfarandi er okkar listi yfir öðruvísi uppáhaldsafþreyingu í Glasgow:

7. Mar 2023

Bestu dagsferðirnar frá Feneyjum

Feneyjar eru einn vinsælasti áfangastaður heims og fyrir því eru nokkrar góðar ástæður: Þetta er ein fallegasta borg í heimi sem sameinar ótrúlegt framboð af sögu, listum, menningu og afþreyingu á heimsmælikvarða. Borgin á sér 1200 ára sögu og hefur á köflum verið mjög mikilvægt efnahagssvæði í mannkynssögunni. Þá eru ótaldar gullfallegar byggingarnar í gotneskum stíl, ógleymanlegar kirkjur og torg og að sjálfsögðu heimsins fegurstu kanalar. Það er enginn skortur á dýrðinni og dásemdinni í Feneyjum en þeir sem vilja nýta ferðina og sjá enn meira í nágrenninu ættu að skoða ótrúlegt úrval magnaðra áfangastaða sem eru stutt frá og hentugir í skemmtilegar dagsferðir. Við höfum tekið saman úrval áfangastaða í þægilegri fjarlægð frá Feneyjum hvort sem ferðast er með lest, ferju, í bíl eða rútu:

9. Feb 2023

Það allra helsta í Feneyjum

Feneyjar eru einn vinsælasti ferðamannastaður heims og ómissandi viðkomustaður allra sem vilja kynnast Ítalíu og óviðjafnanlegum borgum hennar betur. Þessi forna borg sem á sér rúmlega 1200 ára sögu hefur verið framúrskarandi leikmynd í ótal kvikmyndum þökk sé mögnuðum kirkjunum, gotneska arkitektúrnum, gullfallegri borgarmyndinni og ríkri sögunni. Feneyjar eru líklega frægastar fyrir falleg síkin sem á sínum tíma þjónuðu norðurhluta Ítalíu sem gríðarlega mikilvæg samgönguæð. Feneyjar eru líka frægar fyrir listasenuna, tónlistina og menningarlífið. Hér er að finna ótal söfn, gallerí og úrval tónleika og annarra menningarviðburða er nær ótæmandi. Það getur því borgað sig að vita hvert á að halda og hverju má alls ekki missa af í fyrstu heimsókn til Feneyja.

9. Feb 2023

Ódýra leiðin til Feneyja

Feneyjar eru einn vinsælasti ferðamannastaður í heimi. Þessi goðsagnakennda borg á sér rúmlega 1200 ára sögu en hún er fyrir löngu orðin heimsfræg fyrir magnaðan arkítektúr, sögufræg minnismerki og guðdómlegar gondólasiglingar. Feneyjar eru eyjaklasi í norðausturhluta Ítalíu en gullfallegar byggingarnar, einstakir kanalar og bátarnir sem ferðast um þá hafa gert borgina að einni mestu fegurðardrottningu Evrópu.   Í Feneyjum er líka að finna gróskumikla tónlistar-, lista- og menningarsenu sem er augljóst í gríðarlegu úrvali af hátíðum, tónleikum, galleríum og söfnum. Borgin getur vissulega verið dýr vegna þessarar stöðu sinnar og vaxandi eftirspurnar eftir lúxus í fríinu en það má sannarlega njóta þess allra besta í Feneyjum án þess að eyða um efni fram þar sem það besta í Feneyjum er oftar en ekki ókeypis.     Lestu meira um topp sex ódýrustu afþreyingarnar í Feneyjum á Ítalíu:

9. Feb 2023

Ódýra leiðin til Toronto

Toronto á það sameiginlegt með mörgum stórborgum Norður-Ameríku að það er auðvelt að missa sig í úrvalinu og eyða um efni fram þegar allt er spennandi og bókstaflega allt er í boði. Og úrvalið í Toronto er einstaklega spennandi því hér ræður fjölmenningin ríkjum enda um það bil helmingur íbúa af erlendu bergi brotinn. Fyrir vikið er fátt sem ekki má finna í Toronto, stærstu borg Kanada og fjórðu stærstu borg Norður-Ameríku en á stórborgarsvæðinu búa um 6,3 milljónir.    Þessi litríka heimsborg með glæsileg háhýsin, ævintýralegt næturlífið, heimsfrægu söfnin og endalausa útivistarmöguleika er sívinsæll áfangastaður fólks frá öllum heimshornum. Þótt það sé auðvelt að eyða hér aleigunni í geggjaðan lúxus og spennandi afþreyingu er ekkert mál að taka ódýrari nálgun á Toronto og skemmta sér konunglega fyrir miklu minna.

10. Jan 2023

Dásamlega Düsseldorf

Það er mikið úrval af frábærum borgum í Þýskalandi og Düsseldorf er sannarlega ofarlega á þeim lista. Düsseldorf er ein af helstu háskólaborgum landsins, sannkölluð miðstöð tísku og lista og mikilvæg menningarborg enda heimkynni fjölda safna og rúmlega 100 gallería.   Í Düsseldorf er líka að finna dásamlegar gönguleiðir með fram gullfallegu Rínarfljótinu og sjarmerandi götumyndir í fallegu umhverfi. Í júlí á hverju ári er haldin hátíðin Größte Kirmes am Rhein sem mætti þýða sem „Stærsta hátíðin við Rín“ en u.þ.b. fjórar milljónir gesta mæta á þennan vinsæla viðburð á hverju ári.   Hér er listi yfir nokkur ómissandi atriði sem við mælum sérstaklega með í dásamlegu Düsseldorf:

5. Jan 2023

Ódýra útgáfan af Billund

Það þarf ekki alltaf að eyða aleigunni til að komast í æðislegt frí og njóta lífsins í nýju umhverfi. Borgin Billund í Danmörku er þekktust fyrir að vera heimkynni LEGO í allri sinni dýrð en það er margt fleira að sjá og skoða í Billund og nágrenni sem þarf ekki að kosta mikið. Billund er jú sögufrægur staður með framúrskarandi matarmenningu og virkilega fallegri og sjarmerandi náttúru. Og hér eru nokkrar hugmyndir að afþreyingu í ódýrari kantinum í góðu fríi í Billund.

5. Jan 2023

Það allra helsta í Álaborg

Álaborg er líklega ekki fyrsti áfangastaðurinn sem fólk hugsar um þegar það skipuleggur ferðalag til Danmerkur. Álaborg er hins vegar ein dásamlegasta gamla borg Evrópu og hér er að finna einhver bestu dæmi um nútímaarkitektúr sem fyrirfinnast í Danmörku, og þá er mikið sagt. Við erum ekki ein um að þykja mikið til Álaborgar koma. Árið 2019 var Álaborg á lista New York Times yfir 10 bestu áfangastaði heims.    Og Álaborg er líka lifandi og litrík menningarborg. Hér er að finna kastala frá 16. öld, frábærar listasýningar, rúmlega 1.000 ár af sögu, víðfræga sundlaug í höfninni og fallega endurheimta strandlengju.   Hér eru nokkrar góðar ástæður fyrir því að leggja leið sína til Álaborgar:

5. Jan 2023

Það allra helsta í Varsjá: 8 ómissandi áfangastaðir

Varsjá er ein sögufrægasta borg Evrópu en um 1,7 milljónir búa í höfuðborg Póllands sem er fyrir vikið ein stærsta borg Evrópu. Áin Visla sem rennur um Varsjá setur fallegan svip á borgina en hér er líka að finna fjölda grænna svæða og fallegan arkitektúr.   Gamli bær Varsjár sem á rætur sínar að rekja til 12. aldar er einstaklega fallegur en þrátt fyrir gríðarlega eyðileggingu í seinni heimsstyrjöldinni hefur Póllandi tekist einstaklega vel upp í uppbyggingu og endurgerð borgarinnar.    

2. Dec 2022

Ódýra útgáfan af Stokkhólmi

Ef þig langar að skemmta þér vel í góðri borgarferð án þess að eyða aleigunni er Stokkhólmur tilvalinn áfangastaður. Höfuðborg Svíþjóðar er full af áhugaverðum stöðum og menningarlegri upplifun og það er nóg í boði á góðu verði. Eftirfarandi eru nokkur góð ráð og skemmtilegar hugmyndir til að njóta lífsins í Stokkhólmi á ódýrari hátt.  

7. Nov 2022

Ódýrari útgáfa af Hamborg

Hamborg er ekki einn af vinsælustu ferðamannastöðum heims þrátt fyrir að vera borgin sem jólamatur flestra Íslendinga er kenndur við. En næststærsta borg Þýskalands hefur margt að bjóða ferðalöngum, allt frá ríkulegri og oft dramatískri sögu, til framúrstefnulegs arkitektúrs og spennandi næturlífs. En það besta við Hamborg er hvað hún getur verið ódýr, sérstaklega fyrir þá sem eru naskir að finna sér afslætti og ódýrari afþreyingu. Meðfylgjandi eru nokkur góð ráð fyrir þá sem vilja komast í skemmtilegt borgarfrí án þess að eyða aleigunni.  

7. Nov 2022

Ævintýralegir jólamarkaðir Evrópu

Dreymir þig um að rölta um fallega upplýsta jólamarkaði í stórborgum Evrópu, finna fullkomnar jólagjafir og bragða á jólalegum kræsingum? Þá ertu á réttum stað því hér förum við yfir frægustu og bestu jólamarkaðina á nokkrum áfangastöðum PLAY í Evrópu. Borgirnar breytast í sannkallað ævintýraland á aðventunni og það er dásamleg upplifun að rölta á milli bása á stuttermabolnum í Barcelona eða detta í fjársjóðsleit í París dagana fyrir jól. Settu jólalögin á fóninn, gríptu kakóbolla og piparkökur og komdu þér vel fyrir því þessi lestur verður svokallað stemningsferðalag.  

28. Oct 2022

Æðislegar eyjar nálægt Aþenu

Aþena sjálf er stórkostlegur áfangastaður en höfuðborg Grikklands er að sjálfsögðu stórborg. Fyrir þá sem fá nóg af borgarlífinu er stutt að fara til margra dásamlegra grískra eyja undan ströndinni. Það er þægilegt að taka ferju frá höfninni í Aþenu og þá er stutt að fara á margar nálægar eyjar, eða innan við tveir tímar í flestum tilfellum.  

19. Oct 2022

Jólin á austurströnd Bandaríkjanna

Aðventan er uppáhaldstími margra og frábær tími til að komast aðeins í burtu og fylla á jólaskapið. Áður en þú skríður undir teppi með aðventuljós, heitt súkkulaði og góða bók, er tilvalið að skella sér til Bandaríkjanna, versla einstakar jólagjafir á betra verði og spóka sig um í stórborgarljósunum. Við höfum tekið saman ómissandi viðkomustaði á aðventunni á áfangastöðum okkar á austurströnd Bandaríkjanna.

13. Oct 2022

Það allra helsta í Porto

Ef þig langar í öðruvísi borgarferð til Evrópu þá gæti Porto verið svarið við öllum þínum spurningum. Þessi líflega hafnarborg er stappfull af sögu, menningu og óviðjafnanlegum sjarma. Hér er meðal annars að finna gullfallegan gamlan miðbæ, guðdómlegan mat, sögufrægan arkitektúr frá miðöldum og ævintýralegar borgarmyndir. Við höfum tekið saman það allra helsta sem ferðalangar ættu ekki að láta fram hjá sér fara í Porto.

6. Oct 2022

Á skíðum í New York

Skíðaferð til New York? Já, það er hárrétt, New York fylki er rómað fyrir frábær skíðasvæði enda eru þau fleiri þar en í nokkru öðru fylki Bandaríkjanna.  Fjallendi fylkisins er bæði mikið og fjölbreytt og því geta allir fundið sér brekkur við hæfi.  PLAY flýgur til Stewart International Airport í Hudson Valley sem hefur marga frábæra kosti en einn af þeim er nálægðin við frábær skíðasvæði New York fylkis.  Hér er yfirlit yfir nokkur af helstu skíðasvæðunum í New York. Fyrir þá sem vilja blanda spennandi borgarferð við frábæra verslunarferð, magnaða skíðaferð og jafnvel ógleymanlega ferð í Legoland, er New York augljós áfangastaður.

17. Aug 2022

Skíðaferð til Barcelona

Fáar borgir í Evrópu státa af jafnfjölbreyttri afþreyingu og Barcelona. Þessi spænska borg á norðausturströnd Spánar er fræg fyrir stórkostlegar strendur, dásamlega matargerð, fótboltamenningu, katalónskan menningararf og sögufrægan arkitektúr.  En Barcelona er líka frábær áfangastaður fyrir skíðafólk og alla sem elska vetraríþróttir enda er aðgengi að æðislegum skíðasvæðum mjög gott frá Barcelona. Þetta er líka ein af fáum borgum í heiminum þar sem hægt er að fara bæði á skíði í fjöllunum og í sólbað á ströndinni sama daginn.  Barcelona er nefnilega skammt frá Pýreneafjöllum þar sem er að finna fjölmörg skíðasvæði á heimsmælikvarða. Brekkur Katalóníu og fjallasýn Andorra kóróna þessa stemningu en hér verður farið yfir nokkur helstu skíðasvæðin nærri Barcelona.

9. Aug 2022

Öðruvísi afþreying í og við Alicante

Alicante er spænsk borg með svipaðan íbúafjölda og allt Ísland, eða 373.000, og borgin á rætur sínar að rekja til Rómaveldis. Í Alicante er að finna allt sem ferðamenn leita að við Miðjarðarhaf. Hér er ofgnótt af sólskini, dásamleg spænsk matargerð, magnaðar strendur, frábærar gönguleiðir og litríkt næturlíf. Alicante er líka rétt hjá Benidorm, einum helsta partíbæ Evrópu. En Alicante er líka full af öðruvísi afþreyingu þar sem hægt er að sjá aðra hlið á þessari skemmtilegu borg og komast út úr mesta ferðamannastraumnum í smá stund. Hér er stuttur listi yfir annars konar afþreyingu í og við Alicante:

12. Jul 2022

Öðruvísi afþreying í Brussel

Þótt Brussel sé ekki stór borg er hún full af gersemum og fjársjóðum sem færri vita af. Hér má verja mörgum árum án þess að hafa séð öll skrítnu litlu söfnum, sniðugu garðana og frábæru barina. Flestir eru sjálfbjarga um að finna helstu kennileiti miðborgarinnar en því stærri sem radíusinn verður, þeim mun fleiri falda fjársjóði er að finna á hverju götuhorni og það eru þessar gersemar sem fæstir ferðamenn uppgötva hjálparlaust. Við höfum tekið saman stuttan lista yfir minna þekktar en magnaðar hliðar á okkar allra bestu Brussel. 

5. Jul 2022

Ómissandi sögufrægir staðir í Prag

Ert þú á leiðinni til Prag? Frábært! Prag er sérstaklega góður valkostur fyrir þá sem vilja ódýran áfangastað og hér eru stórbrotnir sjónásar hvert sem augað lítur. Við mælum sérstaklega með Prag á haustin þegar laufin breyta um lit og göturnar verða þaktar fallegum haustlitum. Það er nóg af verðugu myndefni fyrir Instagram-reikninginn í þessari borg en þegar búið er að skoða flestu stærstu ferðamannastaðina eru nokkrir sögufrægir áfangastaðir í borginni sem enginn ætti að láta fram hjá sér fara. Ef þú ert á röltinu í Prag, skaltu kíkja á þessi sögulegu kennileiti.

21. Jun 2022

Helstu áfangastaðir í Washington, DC

Höfuðborg Bandaríkjanna er fræg fyrir ótalmörg og víðfræg minnismerkin. Í Washington DC er gömul og ný saga Bandaríkjanna vissulega áþreifanleg en borgin er ekki eintómar styttur og frægar byggingar. Hér er líka að finna lifandi listasenu, spennandi arkitektúr, magnaða veitingastaði og frábært næturlíf.

31. May 2022

Fyrstu kynni af Mallorca

Ertu að leita að áfangastað sem býður upp á fullkomna blöndu af fallegu umhverfi, ljúfri afslöppun, skemmtilegri hreyfingu og ómissandi gullmolum sem enginn ætti að láta fram hjá sér fara? Þá er Mallorca svarið. Mallorca er stundum kölluð „stjarna Miðjarðarhafsins“. Þessi nafnbót er virkilega verðskulduð því Mallorca er full af fjölbreyttu landslagi, gómsætum mat og afslöppuðum stundum í anda eyjaskeggja. Hér er margt að sjá og gera, þ.m.t. sögulegir staðir, æðislegir golfvellir, frábærar hjólaleiðir og hressandi vatnaíþróttir. Þá er ótalið helsta aðdráttarafl Mallorca sem er án efa sólin, strendurnar, hitinn og afslöppunin. Mallorca er stærst Baleareyja í Miðjarðarhafinu og sú þekktasta en fyrir þá sem þekkja hana ekki fylgir hér stutt kynning með því allra helsta.

18. May 2022

Ólík andlit Berlínar

Berlín er einn vinsælasti áfangastaður Þýskalands og Evrópu allrar. Borgin er þekkt fyrir menninguna, arkitektúrinn, fjölbreytileikann og á köflum hrikalega söguna. En Berlín hefur líka einstakan karakter sem á sér engan líkan í heiminum. Það sem fæstir átta sig á er hversu mörg ólík andlit Berlín hefur. Í Berlín eru nýmóðins borgarhverfi í bland við eldgömul steini lögð stræti, risastórir og gullfallegir almenningsgarðar og goðsagnarkenndir næturklúbbar. Þín upplifun í Berlín getur orðið alveg einstök, eftir því hvaða hverfi þú velur að skoða. Berlín er risastór borg sem telur 12 svæði eða Bezirk sem skiptast síðan niður í hverfi sem kallast Kiez og hafa hvert sinn einstaka karakter. Eftirfarandi er yfirlit yfir svæðin 12 sem getur hjálpað þegar ákveða á hvar á að gista og hvað á að sjá í Berlín.

22. Apr 2022

Ævintýri og upplifun í Prag

Prag er töfrandi borg í miðri Evrópu sem á sér meira en þúsund ára sögu. Gullfalleg miðaldastræti borgarinnar, magnaðar kirkjur í barokkstíl, sögulegar brýr og ævintýralegir sjónásar laða til sín milljónir ferðamanna árlega og ekki að ástæðulausu. Að ganga um stræti Prag er eins og að stíga inn í ævintýri en hápunkturinn á menningarlegri upplifun borgarinnar er þessi spennandi blanda af endurreisn og nýsköpun, klassík og nýjustu tísku. Í Prag er að finna magnaðan arkitektúr á heimsmælikvarða en borginni tekst engu að síður að viðhalda sínum sérstaka sjarma. Við bakka Moldár er að finna mesta póstkortaútsýni Evrópu í allar áttir og það er hrein unun að einfaldlega líta í kringum sig á þessum slóðum. Þetta er borg þar sem fólk elskar að borða góðan mat og drekka góðan bjór og hér er hrein ofgnótt af menningarviðburðum og afþreyingu og fyrir vikið líður flestum eins og heima hjá sér í þessari borg sem virkar of góð til að vera sönn. Það er nóg að sjá og gera (og borða og drekka) í Prag og auðvelt að tapa áttum. Við höfum því tekið saman lista yfir allt sem þú þarft að vita um þessa raunverulegu ævintýraborg.

6. Apr 2022

Skíðaparadísin Genf

Genf er fullkominn skíðaáfangastaður fyrir þá sem vilja æðislegar brekkur, magnað útsýni og frábæra après-ski stemningu. Í ofanálag er Genf steinsnar frá bæði svissnesku og frönsku Ölpunum og því gríðarlegt úrval af skíðasvæðum og afþreyingu í boði. Við tókum saman lítinn lista yfir það allra besta sem Genf hefur upp á að bjóða fyrir vetrarferðina. Eftirfarandi eru tillögur að frábærum skíðasvæðum og afþreyingu í þessari paradís í svissnesku Ölpunum.

5. Apr 2022

Ljúfa Liverpool

Hafnarborgin Liverpool liggur í norðvesturhluta Englands og er í dag þekktust fyrir að vera heimaborg Bítlanna og eins vinsælasta fótboltaliðs í heimi. Liverpool hefur verið mikilvægur verslunarstaður frá 18. öld og einkennist enn í dag af þessum fallegu ósum Mersey-ár og Írlandshafs. Saga borgarinnar sem miðja verslunar og viðskipta hefur haft mikil áhrif á uppbyggingu, útlit, anda og byggingalist en í dag er þetta heimsborg, full af skemmtilegum söfnum, stórfenglegum veitingastöðum, frábæru næturlífi og ógrynni af afþreyingu. Renndu yfir stutta samantekt á því sem við myndum ekki vilja missa af í fyrstu ferð til Liverpool.

5. Apr 2022

Út á lífið í Barcelona

Barcelona, höfuðborg Katalóníu, býður gestum og gangandi upp á fjörugt næturlíf sem er fullt af ógleymanlegum áfangastöðum og skemmtilegum senum. Þeir sem vilja djamma, jafnvel langt fram á morgun, eru á réttum stað í Barcelona. Í Barcelona er að finna úrval af æðislegum veitingastöðum, börum, skemmtistöðum og skemmtilegri sólarstrandastemningu sem fáar ef nokkrar aðrar borgir í heiminum geta keppt við. Eftirfarandi er agnarsmátt brot af því besta á djamminu í Barcelona.   

24. Mar 2022

Matarmenning og munaður í Alicante

Costa Blanca strandlengjan er fullkominn staður til að finna sér eitthvað nýstárlegt og gómsætt að borða hvort sem hugmyndin er að detta inn á lítinn matbar eða panta lúxusupplifun á Michelin-veitingastað. Þótt þetta landsvæði hafi alltaf verið þekkt fyrir frábæra matarmenningu er Alicante ein skærasta matarstjarna Spánar. Hinn víðfrægi spænski réttur paella kemur frá svæðinu norður af Alicante og matarkistan sem Miðjarðarhafið er þekkt fyrir er hér á heimavelli í þessum sérstaka strandbæ. Hrísgrjónaréttir með saffrani, nýveiddur smokkfiskur og turrón-núggat úr möndlum og hunangi eru allt góðgæti sem enginn ætti að láta fram hjá sér fara í þessari sólbökuðu borg á suðurströnd Spánar.

18. Mar 2022

Sólríkar strendur Malaga

Hvernig hljómar sólarfrí á evrópskri strönd núna? Fáir staðir henta betur fyrir slík draumaverkefni en Malaga sem státar sig af rúmum 300 sólardögum á ári, hlýjustu vetrum Evrópu og sjóðandi heitum sumrum. En leynivopn Malaga í baráttunni um sólþyrsta ferðamenn eru líklega heimsfrægar sólarstrendurnar.

10. Mar 2022

Dagsferðir frá Bologna

Bologna er eitt best geymda leyndarmál Ítalíu. Þeir sem leggja leið sína hingað munu finna dásamlega heimsminjastaði, stórkostlegan ítalskan mat og borg sem er að mestu laus við gríðarlegan ferðamannastraum. Þeir sem hafa ferðast um Ítalíu vita að oft er margt um manninn á vinsælustu áfangastöðunum en það er ekki mikið vandamál í Bologna. Það verður hins vegar að segjast eins og er að eitt af því allra besta við Bologna er staðsetning hennar og stuttar vegalengdir í alls kyns aðra spennandi áfangastaði. Þökk sé frábærum innviðum og skilvirkum samgöngum er hægt að skjótast í dagsferðir til að skoða heimili Lamborghini og Ferrari, gullfallega staði á heimsminjaskrá UNESCO, dásamlegar vínekrur, heimsfrægar borgir og margt, margt fleira. Eftirfarandi er okkar listi yfir bestu dagsferðirnar frá Bologna:

10. Mar 2022

Það allra besta af Boston

Boston er sögufræg borg á austurströnd Bandaríkjanna og er stundum kölluð Aþena Ameríku vegna háskólamenningarinnar sem einkennir mannlífið. Hér er margt að sjá og skoða fyrir forvitna ferðalanga og að okkar mati er Boston einn besti áfangastaður Norður-Ameríku.

9. Mar 2022

Fjögur frábær skíðasvæði í nágrenni Salzburg

Salzburg er gullfalleg borg, full af sögu, menningu og náttúrufegurð. En Salzburg er líka fullkominn áfangastaður fyrir skíða- og brettafólk því flugvöllurinn er staðsettur nálægt einhverjum bestu skíðasvæðum Austurríkis. Hér er stutt úttekt á fjórum frábærum skíðasvæðum sem öll má finna í innan við 90 mínútna akstursfjarlægð frá flugvellinum í Salzburg.

1. Feb 2022

Verslunarleiðangurinn mikli - Woodbury Common

Ertu á leið til New York og gætir hugsað þér að versla dálítið í leiðinni? Ef þú flýgur til New York Stewart flugvallar, er tilvalið að koma við í Woodbury Common. Þessi verslunarmiðstöð fyrir lengra komna er ein sú vinsælasta sinnar tegundar í Bandaríkjunum en hér er að finna fínustu merkjavöru á útsöluverði. Hér þarf ekki að leita lengi að fyrsta flokks merkjum í fatnaði, snyrtivörum, úrum, skartgripum, töskum, skóm og svona mætti lengi telja. En þetta er enginn flóamarkaður eða útsölulager. Hér er að finna verslanir af fínustu gerð sem flytja umframlager og óseldan varning úr öðrum verslunum hingað og selja á góðum afslætti. Fyrir vikið heimsækja milljónir manna Woodbury Common á hverju ári til að skoða dýrðina og leita að lúxus á 20%-65% afslætti.

1. Feb 2022