Fréttir

Farþegar PLAY voru 128.894 talsins í maímánuði, sem er metfjöldi því aldrei hafa fleiri flogið með félaginu í einum mánuði. Farþegum fjölgaði um 26% á milli mánaða, en í apríl voru þeir 102.499 talsins. Sætanýtingin í maí nam 85% og 87,3% af flugferðum félagsins í maí voru á áætlun.  Þessi tölfræði telst mjög jákvæð, sérstaklega í ljósi þess að maí felur iðulega í sér nokkra áskorun fyrir flugfélög.

Flugfélagið PLAY hefur sett daglegar flugferðir til Amsterdam næsta vetur í sölu. PLAY fór í sitt fyrsta áætlunarflug til Amsterdam í gær og verður með áætlunarferðir fimm sinnum í viku til borgarinnar í sumar. 29. október tekur við áætlun með daglegum ferðum sem munu falla vel að tengiflugi félagsins til áfangastaða í Norður Ameríku.

Flugfélagið PLAY fór sitt fyrsta flug til Aþenu, höfuðborgar Grikklands,í morgun. Þar með er í fyrsta skipti hafið beint áætlunarflug á milli Íslands og Aþenu. Til stóð að áætlunin myndi ná frá júní og út október en vegna mikillar eftirspurnar eftir ferðum með PLAY til Aþenu var ákveðið að framlengja hana til janúar 2024.

Farþegum PLAY fjölgaði  mikið í apríl og voru 102.499 talsins, samanborið við 86.661 farþega í mars. Sætanýtingin nam 80,8 prósentum. Hér er um að ræða verulegan vöxt frá sama tíma í fyrra, þegar farþegar voru 36.669 og sætanýtingin 72,4%. Farþegafjöldinn sem næst þrefaldaðist á milli ára.

Flugfélagið PLAY hefur hafið flokkun á áldósum um borð í flugvélum sínum. Breytingar á verkferlum um borð tóku gildi í lok apríl en með tilkomu nýrra regla frá Umhverfisstofnun og Matvælastofnun var flugfélögum loks gert kleift að flokka um borð. PLAY hafði hvatt yfirvöld til að breyta regluverkinu frá upphafi rekstrar þannig að flugfélög gætu flokkað sorp sem fellur til í flugi.

Flugfélagið PLAY hefur hafið sölu á áætlunarferðum til Verona á Ítalíu og Fuerteventura á Kanaríeyjum.  

Fyrsta flugið til Verona verður 20. janúar árið 2024 en flogið verður einu sinni í viku á laugardögum til 24. febrúar.  

Fyrsta flugið til Fuerteventura verður 20. desember næstkomandi en áætlunin mun ná fram yfir páska 2024, eða til 3. apríl. 

• PLAY flutti 212 þúsund farþega á fyrsta ársfjórðungi 2023 og sætanýting var 78,4%.
• Flugreksturinn gekk mjög vel á fyrsta ársfjórðungi og stundvísi mældist 85,5%, talsvert betri en tíðkast hjá samkeppnisaðilum.
• Tekjur á fyrsta ársfjórðungi námu 32,7 milljónum bandaríkjadala, samanborið við 9,6 milljónir bandaríkjadala á sama tímabili í fyrra.

PLAY flutti 86.661 farþega í marsmánuði og sætanýting félagsins nam 80,6%. Sætanýting var 67% og félagið flaug með 23.700 farþega. Farþegafjöldinn hefur því þrefaldast á milli ára sem er skýrt merki um góðan vöxt í rekstri félagsins.

Arnar Már Magnússon, flugstjóri og einn af stofnendum PLAY, mun senn taka aftur við sem framkvæmdastjóri flugrekstrarsviðs félagsins. Arnar var framkvæmdastjóri sviðsins þar til fyrir rúmu ári þegar hann ákvað að setjast aftur í flugstjórasætið í fullu starfi.

Flugfélagið PLAY hefur hafið miðasölu á áætlunarferðum til Schiphol-flugvallar í sumar. Fyrsta flug PLAY til Amsterdam verður 5. júní en flogið verður allt að fimm sinnum í viku út október. Áætlunarferðir PLAY verða á mánudögum, miðvikudögum, fimmtudögum, föstudögum og sunnudögum.

Flugfélagið PLAY hefur hafið miðasölu á áætlunarferðum til Glasgow í Skotlandi. Fyrsta flugið verður föstudaginn 26. maí en félagið mun fljúga fjórum sinnum í viku til Glasgow, á mánudögum, miðvikudögum, föstudögum og sunnudögum. Glasgow mun tengjast að fullu við Norður Ameríku leiðakerfi PLAY.

PLAY flutti 63.949 farþega í febrúar 2023. Sætanýting félagsins var 76,9%. 31% af farþegum PLAY í febrúar ferðuðust frá Íslandi, 37% til Íslands og 32% voru tengifarþegar. Stundvísi PLAY í febrúar var 84.3%.

Adrian Keating hefur verið ráðinn yfirmaður sölu- og markaðsmála (Executive Director Sales- and Marketing) hjá PLAY og bætist við lykilstjórendahóp félagsins. Hann hóf störf þann 1. mars. Adrian er með yfir 20 ára reynslu úr alþjóðlega fluggeiranum og hefur starfað fyrir þekktustu vörumerkin í geiranum við góðan orðstír. 

Sætanýtingin efldist til muna og góður tekjuvöxtur einkenndi árið 2022 hjá PLAY. Sætanýtingin nam 79,7% á árinu í heild og 80,3% á síðasta ársfjórðungnum. Á árinu 2022 flutti PLAY 789 þúsund farþega. PLAY spáir því að farþegar verði á bilinu 1,5 – 1,7 milljónir á árinu 2023 og að rekstrarhagnaður (EBIT) verði á árinu.

Flugfélagið PLAY mun fljúga til Feneyja á Ítalíu í sumar. Fyrsta flugið verður 29. júní og mun áætlunin standa út september. Flogið verður tvisvar í viku á fimmtudögum og sunnudögum. PLAY flaug einnig til Bologna síðasta sumar og var borgin á meðal vinsælustu áfangastaða PLAY í fyrra. Þessar miklar vinsældir urðu til þess að PLAY mun að sjálfsögðu bjóða upp á Bologna í leiðakerfi sínu í sumar og bætir þar að auki við sig einni vinsælustu borg Ítalíu, Fenyjum. 

PLAY flutti 61.798 farþega í desember sem er fimmfalt á við farþegafjölda á sama tíma á síðasta ári. Sætanýting var 76,8%. Þessar tölur eru mjög ásættanlegar fyrir janúarmánuð í fluggeiranum og ótvíræður vitnisburður um skilvirkt leiðakerfi og góðan árangur í sölu- og markaðsmálum.

Flugfélagið PLAY vann Íslensku ánægjuvogina í sínum flokki í dag. Félagið átti mjúka lendingu beint í fyrsta sæti á íslenskum flugmarkaði og orð fá vart lýst hve þakklát við erum viðskiptavinum okkar. Ánægjuvogin er félag í eigu Stjórnvísi og framkvæmdin er í höndum Prósent. Markmið verkefnisins er að láta fyrirtækjum í té mælingar á ánægju viðskiptavina.

Flugfélagið PLAY hefur hafið miðasölu á flugsætum til Toronto  í Kanada en áætlunarflug þangað hefst þann 22. júní. Flogið verður alla daga vikunnar á Hamilton International flugvöll. Boðið veður upp á frábærar tengingar við 15 áfangastaði PLAY í Evrópu. 

Flugfélagið PLAY flutti 74.620 farþega í desember 2022 sem eru fjórum sinnum fleiri farþegar en í desember 2021. Sætanýting félagsins í desember var 82,8% miðað við 79,1% í nóvember. London, París og Kanaríeyjar nutu sérstaklega mikilla vinsælda í mánuðinum og var sætanýting á þeim áfangastöðum um 90%.

PLAY færir áfram út kvíarnar og hefur nú bætt við fjórum áfangastöðum. Þar er um að ræða dönsku borgirnar Álaborg, Árósa og Billund. Í Þýskalandi bætist við hin mikla viðskiptamiðstöð Düsseldorf. Nýju áfangastaðirnir falla allir vel að tengiflugsleiðakerfi PLAY til áfangastaða í Norður-Ameríku sem eru New York, Boston, Washington og Baltimore.

Flugfélagið PLAY hefur samið við bandaríska fyrirtækið MOST um að skaffa flugfélaginu smásölu- og greiðslulausn um borð í vélum PLAY. Þar á meðal er hugbúnaður, vélbúnaður og greiðslugátt. Með lausninni frá MOST munu flugliðar geta tekið við greiðslum frá farþegum á fljótlegan og auðveldan hátt á meðan á fluginu stendur.

PLAY flutti 75.396 farþega í nóvember 2022 sem er meira en fjórum sinnum hærri tala en í nóvember í fyrra. Sætanýting í nóvember var 79,1% en hún var 81,9% í október. Flugferðir til London, Paris og Tenerife nutu mikilla vinsælda með um 90% sætanýtingu.

Flugfélagið PLAY hefur hafið miðasölu á áætlunarflugi til Varsjár, höfuðborgar Póllands.

Fyrsta flugið verður 3. apríl 2023 en flogið verður tvisvar í viku fram til loka októbers 2023.

PLAY hefur verið valið besta nýja flugfélagið (start-up of the year) af CAPA (Center for Aviation) sem eru alþjóðleg samtök um flugmál. Verðlaunin voru afhent við hátíðlega athöfn í Gíbraltar í kvöld en Birgir Jónsson, forstjóri PLAY, er á staðnum og veitti þeim viðtöku.

PLAY flutti 91.940 farþegar í október og sætanýting var 81,9% samborið við 81,5% í september. Um 35 % voru farþegar á leið frá Íslandi, 28,5% voru farþegar á leið til Ílsnad og 36,3% voru tengifarþegar (VIA).

Flugfélagið PLAY hefur hafið miðasölu á flugi til Stokkhólms í Svíþjóð og Hamborgar í Þýskalandi. 

Fyrsta flug PLAY til Stokkhólms verður þann 31. mars 2023 en flogið verður fjórum sinnum í viku til Arlanda flugvallar á mánudögum, miðvikudögum, föstudögum og sunnudögum.

Stjórn Fly Play hefur safnað bindandi áskriftarloforðum að nýju hlutafé í félaginu með samningum við fjárfesta.

Áskriftirnar eru fyrir 157.534.247 hlutum að nafnverði og er útgáfugengið á hvern hlut kr. 14,6.

Rekstrarhagnaður PLAY af starfsemi á þriðja ársfjórðungi ársins 2022 nam 1,3 milljónum bandaríkjadala og sætanýtingin var um 85%. Farþegar félagsins voru um 311 þúsund talsins. Reiknað er með um 800 þúsund farþegum árið 2022 og 1,5 til 1,7 milljón farþegum árið 2023. PLAY spáir veltu upp á 310 til 330 milljónir bandaríkjadala árið 2023.

Flugfélagið PLAY hefur hafið miðasölu á áætlunarferðum til Aþenu (Athens International Airport), höfuðborgar Grikklands. Fyrsta ferðin verður farin 2. júní 2023 en flogið verður tvisvar í viku, á mánudögum og föstudögum, út október 2023. Þetta verður í fyrsta sinn sem flugfélag er með beint áætlunarflug á milli Íslands og Aþenu.

Ólafur Þór Jóhannesson hefur verið ráðinn framkvæmdastjóri fjármálasviðs PLAY. Hann tekur við starfinu af Þóru Eggertsdóttur og hefur störf í byrjun nóvember.

PLAY flutti 92.181 farþega í september en það eru færri farþegar en í ágúst þegar PLAY flutti 109,956 farþega. Sætanýting í september var 81,5% miðað við 86,9% í ágúst og 87,9% í júlí.

Flugfélagið PLAY hefur hafið sölu á áætlunarferðum til borgarinnar Porto í Portúgal. Fyrsta flugið verður fimmtudaginn 6. apríl (skírdag) 2023. Flogið verður tvisvar í viku fram í lok október 2023.

PLAY flutti 108.622 farþega í ágúst. Það er sambærilegur fjöldi farþega og í júlí þegar 109.937 farþegar flugu með PLAY. Sætanýting í ágúst nam 86,9 prósentum samanborið við 87,9 prósent í júlí og 79,2 prósent í júní.

PLAY leitar nú að um 150 flugliðum fyrir næsta vor, bæði í framtíðar- og sumarstörf. Þá leitar félagið einnig að 55 flugmönnum, bæði með og án reynslu.

PLAY hefur hafið miðasölu á flugi til flugvallarins Dulles Washington (Dulles International Airport) í Bandaríkjunum.

PLAY gerir ráð fyrir að farþegar félagsins verði um 800 þúsund árið 2022. Þá gera áætlanir PLAY ráð fyrir um 20 milljörðum íslenskra króna í veltu í ár, á fyrsta heila starfsári félagsins.

PLAY flutti 109.937 farþega í júlí, sem er 25 prósenta aukning frá mánuðinum áður þegar 87.932 farþegar flugu með PLAY.

Eldgos hófst í dag, 3. ágúst, 2022 í Fagradalsfjalli. Engin hætta stafar af gosinu sem kemur úr hraunbreiðunni sem rann í gosinu 2021.

PLAY flutti 87.932 farþega í júní, sem er 55% aukning frá mánuðinum á undan, þegar 56.601 farþegar voru fluttir. Það er til marks um mikinn vöxt að þessi fjöldi jafnast nánast á við heildarfjölda farþega ársins 2021 á fyrstu sex mánuðum starfseminnar.

Sonja Arnórsdóttir hefur verið ráðin framkvæmdastjóri sölu- og markaðssviðs PLAY. Sonja tekur við sem framkvæmdastjóri sviðsins af Georgi Haraldssyni sem verður framkvæmdastjóri upplýsingatæknisviðs.

Í dag er eitt ár frá fyrstu flugferð PLAY og fleiri en 320.000 manns hafa nú flogið með félaginu. Jómfrúarferðin var til London þann 24. júní árið 2021. Í rúmt eitt og hálft ár fyrir þann dag hafði starfsfólk PLAY lagt nótt við dag við að undirbúa þennan stóra áfanga.

Flugfélagið PLAY fór sitt fyrsta flug til New York Stewart alþjóðaflugvallarins í Bandaríkjunum í gær. Framvegis býður PLAY upp á daglegt flug frá New York Stewart en félagið verður það eina sem stundar millilandaflug til og frá vellinum sem er fagnaðarefni fyrir þær milljónir íbúa sem búa á svæðinu.

PLAY hlaut í dag viðurkenningu fyrir Sjálfbærniskýrslu ársins. Viðurkenninguna veittu Festa, Stjórnvísir og Viðskiptaráð Íslands. Viðurkenning sem þessi er virkilega hvetjandi og staðfestir mikilvægi þess að félagið hafi byggt upp trausta sjálfbærnistefnu frá upphafi rekstrar.

PLAY flutti 56.601 farþega í maí sem eru 58% aukning frá aprílmánuði þegar PLAY flutti 36.669 farþega. Farþegafjöldinn í maí var nærri jafnmikill og í janúar, febrúar og mars samanlagt eða á fyrsta ársfjórðungi 2022. Sætanýting í maí var um 70%.

Á fyrsta ársfjórðungi var helsta áherslan á að skala starfsemina upp í aðdraganda sumaráætlunarinnar og tengiflugsleiðakerfisins og þetta fól í sér að ráða og þjálfa nýtt starfsfólk, hefja starfsemi á fimmtán nýjum flugvöllum og að bæta við flotann.

Sandra Dís Sigurðardóttir mun fljúga frítt á alla áfangastaði PLAY, sem eru 25 talsins, í heilt ár. Sandra Dís var dregin úr tíu þúsund manna hópi sem tók þátt í Borgarkosningum PLAY um liðna helgi.

PLAY hefur gert samstarfssamning við spænska flugfélagið Vueling. Með samningnum verður félagið aðili að stafrænni bókunarþjónustu Vueling, Vueling Global, sem byggir á bókunarkerfi Dohop.

Þáttaskil urðu í rekstri flugfélagsins PLAY í dag þegar fyrsta fyrsta áætlunarferðin var farin vestur um haf til Bandaríkjanna. Áfangastaðurinn var Baltimore/Washington International-flugvöllurinn en framvegis verður flogið þangað daglega.

PLAY flutti 23.677 farþega í mars sem er 20% aukning frá fyrri mánuði þegar farþegafjöldinn var 19.686. Sætanýting í mars var 66.9%. Félagið hefur væntingar um að sætanýting aukist á næstu mánuðum enda fyrirséð að tengiflug yfir Atlantshaf, sem hefst í mánuðinum, muni styrkja stöðuna til muna.

Ársskýrsla PLAY hf. fyrir árið 2021 hefur verið birt í tengslum við aðalfund félagsins sem verður haldinn miðvikudaginn 6. mars 2022 klukkan 16:00 í Iðnó.

Flugfélagið PLAY hefur bætt Liverpool í Englandi og Genf í Sviss við áætlun sína fyrir veturinn 2022 til 2023.

Guðbergur Ólafsson hefur verið ráðinn sem forstöðumaður flugþjónustu hjá PLAY. Guðbergur mun bera ábyrgð á allri flugtengdri þjónustu, svo sem samskiptum við samstarfsaðila á flugvöllum sem félagið flýgur til.

Viðskiptavinir PLAY geta nú kolefnisjafnað flug sitt með lausnum sem fjarlægja kolefni úr andrúmsloftinu. Þetta er einn liður í sjálfbærni vegferð PLAY.

Flugfélagið PLAY gerir ráð fyrir rekstrarhagnaði á síðari hluta ársins 2022 þrátt fyrir krefjandi rekstrarumhverfi. Bókunarstaðan hefur verið sterk að undanförnu nú þegar mikil uppsöfnuð eftirspurn er leyst úr læðingi við afnám sóttvarnatakmarkana víða um heim.

Aðalfundur Fly Play hf. verður haldinn miðvikudaginn 6. apríl 2022 kl. 16:00 í Iðnó, menningarhúsi við Tjörnina, Vonarstræti 3, 101 Reykjavík.

PLAY flutti 19.686 farþega í febrúar og sætanýting var 67,1%, samanborið við 55,7% í janúar. Mikill fjöldi kórónuveirusmita í lok síðasta árs hafði þau áhrif að PLAY þurfti að aðlaga flugáætlun sína í janúar og febrúar. Félagið hefur væntingar um að sætanýting aukist á næstu mánuðum.

Guðni Ingólfsson hefur verið ráðinn framkvæmdastjóri flugrekstrarsviðs PLAY. Guðni tekur við sem framkvæmdastjóri af Arnari Má Magnússyni, einum af stofnendum PLAY. Auk þess að vera með mikla reynslu af flugrekstri er Arnar flugmaður og hefur hann ákveðið að setjast aftur í flugstjórasætið og fara að fljúga í fullu starfi. Arnar mun þó áfram sinna flugrekstrartengdum verkefnum hjá fyrirtækinu.

Flugfélagið PLAY hefur hafið miðasölu á flugi til Orlando í Bandaríkjunum. Fyrsta flug PLAY til Orlando verður þann 30. september og verður flogið þangað þrisvar í viku. Flogið verður til Orlando International flugvallar á mánudögum, miðvikudögum og föstudögum.

Anna Fríða Gísladóttir hefur verið ráðin forstöðumaður markaðsmála hjá flugfélaginu PLAY. Hún mun leiða markaðsstarf PLAY og fara fyrir áframhaldandi uppbyggingu á ásýnd félagsins sem hefur verið miklu flugi undanfarna mánuði.

PLAY flutti 13.488 farþega í janúar og sætanýting var 55,7%, samanborið við 53,2% í desember. Mikill fjöldi kórónuveirusmita á síðustu mánuðum hefur setti hik í markaðinn og félagið aðlagaði flugáætlun sína í janúar í samræmi við það.

Flugfélagið PLAY hefur hafið miðasölu á flugi til New York í Bandaríkjunum. Fyrsta flug PLAY til New York verður þann 9. júní og boðið verður upp á daglegt flug. PLAY mun fljúga til New York Stewart International flugvallar og verður eina flugfélagið með millilandaflug til og frá vellinum en það er mikið fagnaðarefni fyrir þær milljónir íbúa sem búa á svæðinu.

101.053 farþegar flugu með PLAY í yfir þúsund flugferðum á fyrstu sex mánuðum félagsins í rekstri. Sætanýting á tímabilinu var 53,2% sem verður að teljast góður árangur í ljósi mjög krefjandi aðstæðna vegna heimsfaraldurs kórónuveirunnar og í samanburði við önnur nýstofnuð flugfélög í Evrópu og Norður-Ameríku.

Flugfélagið PLAY hefur hafið miðasölu á flugi til Boston og Washington D.C. í Bandaríkjunum. Fyrsta flug PLAY til Washington verður 20. apríl á næsta ári og 11. maí til Boston. PLAY mun fljúga til Logan flugvallar í Boston og Baltimore/Washington International flugvallar á milli Baltimore og Washington D.C.

PLAY hefur sett í loftið nýja bókunarvél sem er fyrsti áfangi í metnaðarfullri stafrænni vegferð félagsins. Verkefnið var unnið í samstarfi við upplýsingatæknifyrirtækið AviLabs og vefhönnunarfyrirtækið Mito Digital.

PLAY flutti 16.689 farþega í nóvember og sætanýting var 58,3%, samanborið við 67,7% í október. Þróunin í nóvember var mjög jákvæð þar til ný bylgja kórónuveirunnar skall á hér á landi og í Evrópu um miðjan mánuðinn sem hafði áhrif á eftirspurn. 

Flugfélagið PLAY hefur bætt þremur áfangastöðum í Evrópu við áætlun sína, Dyflinn á Írlandi, Madríd á Spáni og Brussel í Belgíu.

PLAY fékk nýjustu flugvél félagsins, TF-PPA, afhenta í gær, beint frá framleiðandanum Airbus. Vélin var afhent við hátíðlega athöfn í verksmiðju Airbus í Hamburg í Þýskalandi.

PLAY hefur undirritað samning við alþjóðlega flugvélaleigusalann China Aircraft Leasing Company (CALC) um leigu á tveimur A320neo flugvélum. Vélarnar verða afhentar PLAY í næstu viku og verða í kjölfarið málaðar og aðlagaðar að þörfum félagsins.

Flugfélagið PLAY hefur bætt fjórum áfangastöðum í Evrópu við áætlun sína, Lissabon í Portúgal, Prag í Tékklandi, Bologna á Ítalíu og Stuttgart í Þýskalandi.

Á þriðja ársfjórðungi einblíndi PLAY á uppbyggingu rekstrar með öryggi og velgengni að leiðarljósi. Í júlí var sætanýting 41,7% þegar PLAY flutti 9.899 farþega sinn fyrsta heila mánuð í háloftunum.

Lilja Pálsdóttir hefur verið ráðin forstöðumaður fjárog áhættustýringar hjá PLAY. Lilja verður hluti af stjórnendateymi fjármálasviðs PLAY og mun bera ábyrgð á daglegum rekstri fjár- og áhættustýringar.

Rakel Eva Sævarsdóttir hefur verið ráðin forstöðumaður sjálfbærni- og samfélagsábyrgðar hjá PLAY. Í því starfi mun hún móta og innleiða sjálfbærnistefnu félagsins ásamt því að skilgreina sjálfbærnitengd markmið þess sem snúa að umhverfismálum, félagslegum þáttum, stjórnarháttum og öðrum rekstrarlegum þáttum. Rakel Eva tekur til starfa í byrjun nóvember.

LAY hlaut fyrir helgi viðurkenningu Jafnvægisvogar Félags kvenna í atvinnulífinu (FKA) árið 2021. Jafnvægisvogin er hreyfiaflsverkefni á vegum FKA og miðar verkefnið að því að jafna hlutföll kynjanna í framkvæmdastjórnum fyrirtækja.

Flugfélagið PLAY hefur bætt þremur áfangastöðum í Skandinavíu við sumaráætlun sína. Um er að ræða Stafangur og Þrándheim í Noregi ásamt Gautaborg í Svíþjóð.

PLAY flutti 15.223 farþega í september. Sætanýting var 52,1% samanborið við 46% í ágúst. Betri sætanýting endurspeglar aðlögun félagsins á framboði í flugáætlun í september og aukna eftirspurn.

PLAY leitar nú að um hundrað flugliðum til starfa fyrir næsta vor, bæði í framtíðar- og sumarstörf. Jafnframt stendur til að auglýsa eftir um fimmtíu flugmönnum í næstu viku. Um er að ræða stærstu ráðningu félagsins í einu vetfangi en með þessu tvöfaldast fjöldi starfsmanna PLAY.

Tatiana Shirokova hefur verið ráðin forstöðumaður sölusviðs PLAY og mun hún bera ábyrgð á sölu- og dreifingarmálum félagsins. Sölusvið er hluti af sölu- og markaðssviði og tekur Tatiana til starfa þann 1. október.

Flugfélagið PLAY hefur bætt Amsterdam í Hollandi við vetraráætlun sína. Flogið verður tvisvar í viku, á mánudögum og föstudögum, frá og með 3. desember.

PLAY hefur undirritað samning við alþjóðlega flugvélaleigusalann GECAS um leigu á þremur A320neo flugvélum og einni A321NX flugvél. Vélarnar verða afhentar frá hausti 2022 til vors 2023.

PLAY var stundvísasta félagið á Keflavíkurflugvelli í ágúst, annan mánuðinn í röð, með 98% flugferða á réttum tíma.

PLAY hef­ur lagt inn um­sókn til banda­rískra flug­mála­yf­ir­valda um heim­ild til farþega­flutninga til og frá land­inu. Stefnt er að því að hefja flug til Bandaríkjanna næsta vor.

Árangur PLAY í júlí, fyrsta mánuðinum í fullum rekstri félagsins, var mjög góður miðað við stöðuna á markaði og það að félagið er rétt að hefja starfsemi sína.  Stærsta markmið PLAY var að hefja flugrekstur sinn með faglegum hætti, veita örugga og góða þjónustu og tryggja ánægju viðskiptavina sinna.  

Jóhann Pétur Harðarson hefur verið ráðinn lögfræðingur PLAY. Hann mun bera ábyrgð á greiningu og úrlausn lögfræðilegra álitamála og sinna ráðgjöf og upplýsingagjöf til stjórnenda og stoðsviða. Þá verður hann regluvörður félagsins. Hann hóf störf í júlí.

Steinar Þór Ólafsson hefur verið ráðinn forstöðumaður markaðsmála hjá flugfélaginu PLAY. Steinar hefur störf í dag, 1. júlí.

Steinar Þór kemur til PLAY frá Viðskiptaráði Íslands en áður starfaði hann sem markaðsstjóri Skeljungs og stýrði stafrænni markaðssetningu hjá N1.

Frá og með fimmtudeginum 29. júlí mun PLAY ekki fljúga með farþega til Íslands sem ekki geta framvísað vottorði um neikvætt COVID-19 próf við innritun.

Mikil eftirspurn var í hlutafjárútboði Play sem lauk klukkan 16.00 í dag, föstudaginn 25. júní 2021. Í dag kl. 16 lauk hlutafjárútboði á alls 221.906.800 nýjum hlutum í Fly Play hf sem nemur um 4,3 milljörðum króna.

Það er óhætt að segja að einkennisfatnaður PLAY boði breytta tíma í ásýnd áhafna. Hönnuðirnir eru Gunni Hilmars og Kolbrún Petrea Gunnars sem skiluðu af sér frábærri línu í anda fyrirtækisins.

Meðfylgjandi er sýnishorn af dýrðinni en áhafnarmeðlimir sýndu áður óþekkta takta með karatespörkum og jógapósum í myndatökunni enda ekkert sem hélt aftur af þeim.

PLAY hóf sölu farmiða snemma í morgun og hefur aðsókn verið mikil á vefsíðu flugfélagsins. Fyrstu sjö áfangastaðir PLAY eru Alicante, Barcelona, Berlín, Kaupmannahöfn, London, París og Tenerife. Núverandi flugáætlun gildir út apríl 2022. Fyrsta flug félagsins verður til London Stansted 24. júní.

„Undanfarnar vikur hefur flugvirki á vegum PLAY verið í Houston til að undirbúa vélina til afhendingar fyrir okkur en í vikunni bættust í hópinn fleiri flugvirkjar, áhöfn og fulltrúar Samgöngustofu til að taka vélina út fyrir íslenska skráningu sem lauk svo seint í gærkvöldi, á íslenskum tíma, með flugrekstrarleyfi frá Samgöngustofu en Arnar Már Magnússon, einn stofnenda PLAY og framkvæmdastjóri flugrekstrarsviðs, hefur haft veg og vanda að ferlinu undanfarna mánuði,“ segir Birgir Jónsson forstjóri PLAY.

Þóra Eggertsdóttir hefur verið ráðin framkvæmdastjóri fjármálasviðs PLAY.

Í starfi sínu mun hún bera ábyrgð á að byggja upp fjármálasvið félagsins sem og að leiða skráningu PLAY á Nasdaq First North Iceland markaðinn. Þóra kemur frá Icelandair og tekur til starfa á næstu dögum.

Georg Haraldsson hefur verið ráðinn framkvæmdastjóri Sölu- og Markaðssviðs PLAY. Í starfi sínu ber hann ábyrgð á tekjumótun félagsins, þar með talið tekjustýringu, sölu, dreifingu markaðsmálum, almannatengslum og hliðartekjum, auk þjónustustefnu, þjónustumenningu, stafrænni þróun og hagnýtingu í upplýsingatækni. Georg tekur til starfa á næstu vikum.

Sækja fyrir vefHlekkur opnast í nýjum flipa

Sækja fyrir prentHlekkur opnast í nýjum flipa

Sækja fyrir vefHlekkur opnast í nýjum flipa

Sækja fyrir prentHlekkur opnast í nýjum flipa

Sækja fyrir vefHlekkur opnast í nýjum flipa

Nadine Guðrún Yaghi

nadine@flyplay.comHlekkur opnast í nýjum flipa

Fjölmiðlafulltrúar okkar eru til þjónustu reiðubúnir. Sendið línu á pr@flyplay.comHlekkur opnast í nýjum flipa.

Athugið að PR svarar aðeins fjölmiðlatengdum spurningum.

ÞjónustubeiðniHlekkur opnast í nýjum flipa

FacebookHlekkur opnast í nýjum flipa

marketing@flyplay.comHlekkur opnast í nýjum flipa