Flug til Reykjavíkur á lægsta verði með PLAY frá 11.528 kr. *

Ódýrt flug til Reykjavíkur

Heimsmeistarinn og höfuðborgin Reykjavík

Við leyfum okkur að fullyrða að Reykjavík er ein besta borg í heimi. Hún er líka margfaldur heimsmeistari og toppar oft lista yfir öruggustu höfuðborgir heims. Hér geta börnin farið út að leika, í ævintýraleiðangra, sund og strætórúllettu og þá skiptir engu máli í hvaða hverfi maður villist. Næturlífið er að mestu notalegt fram eftir nóttu og þökk sé ferðamannastraumi seinni ára hefur borgin nú upp á að bjóða úrval metnaðarfullra veitingastaða, vínbara og sjarmerandi kaffihúsa.

Eins og fjólubláir draumar

Það er ekki að ástæðulausu að erlendir ferðamenn flykkjast til Reykjavíkur en ástæðurnar koma heimamönnum oft á óvart. Reykvíkingum hættir nefnilega til að vanmeta náttúrufegurðina sem ber fyrir augu þeirra alla daga en af og til verður höfuðborgarbúa á leið í vinnuna á þriðjudagsmorgni litið yfir flóann á gullfallegan Snæfellsjökul sem ber við himinn eða yfir fjörðinn á Esjuna og Akrafjall böðuð í bleiku sólarlaginu. Þá er ekki langt að fara til að njóta náttúrunnar úti á Gróttu eða uppi í Heiðmörk og Bessastaðir og Keilir séð frá Ægisíðu eru alltaf efni í olíumálverk af dýrari gerðinni. Leyfðu þér að njóta þess besta sem Reykjavík hefur upp á að bjóða og kíktu heim í fríinu.