Flug til Gautaborgar á lægsta verði með PLAY frá 11.778 kr. *

Ódýrt flug til Gautaborgar

Fika á daginn - Michelin á kvöldin

Gautaborg er önnur stærsta borg Svíþjóðar en íbúafjöldi á stórborgarsvæði er um ein milljón. Þessi gamla hafnarborg ber þess merki að vera sögulegur alþjóðlegur verslunarstaður með sín steinlögðu stræti og fallegu síki. Hér er tilvalið að njóta sænskrar velferðar í botn með því að „fíka“ á kaffihúsum á daginn, snæða á Michelin-veitingastöðum á kvöldin og versla eitthvað gullfallegt í einum af fjölmörgum stórkostlegum hönnunarverslunum borgarinnar þess á milli.

Í Gautaborg eru gæði í hávegum höfð og það á við í mat, hönnun, listum og lífsgæðum. Gestum er óhætt að gera kröfur um lúxus og vellystingar og Íslendingar geta látið sig hlakka til að sjá verðmiðana. Í Gautaborg er nefnilega gott að lifa og frábært að versla. Sjarmerandi strætin í gamla bænum setja svo punktinn yfir verslunarleiðangurinn og ekki sakar afslappaða sænska viðmótið.

Hamingja og gæði í Gautaborg

Fyrir þá sem eru orðnir nógu slakir og þurfa að bæta dálitlu adrenalíni við ferðalagið er Liseberg tilvalinn viðkomustaður. Liseberg er ekki bara vinsælasti áfangastaður Svíþjóðar, þetta er einnig stærsti skemmtigarður Norðurlandanna en hann heimsækja yfir þrjár milljónir gesta á ári. Hér er tilvalið að verja æsispennandi degi í tækjum og afþreyingu, kíkja á viðburði dagsins og leyfa sér eitthvað sérstaklega gómsætt.

Þú þarft ekki að fara langt til að komast í þægilega borgarferð í nýju umhverfi því Gautaborg er vinaleg og falleg stórborg steinsnar frá Íslandi. Jafnvel þótt þú gerir ekkert merkilegt í Gautaborg er hún þess virði því þú munt að öllum líkindum koma heilbrigðari, hamingjusamari og afslappaðri heim eftir dvöl í gæðunum í Gautaborg.