Skoða efni

Sól og sandur

Áfangastaðirnir okkar eru jafnfjölbreyttir og þeir eru margir. Sumir þrá að stinga tánum í sandinn, bakast í sólinni, leika í sjónum eða ganga um steini lögð miðaldastræti á stuttbuxunum í eldgamalli borg og njóta þess að borða úti á kvöldin. Aðrir vilja komast í alvörufæri í bestu brekkunum með stórbrotið útsýni, unaðslegt aprés ski og flennifæri. Þá þurfa sumir að láta jólastressið líða úr sér í nýju umhverfi eða nota jólafríið til að eiga gæðastundir með fjölskyldunni í útlöndum. Hvert svo sem hugurinn leitar eigum við rétta áfangastaðinn fyrir draumafríið. Þú getur bókað það!

Veldu draumafríið

Sól og hiti, jól og aðventa eða snjór og færi? Hafðu vit fyrir þér og gómaðu rétta áfangastaðinn fyrir draumafríið á betra verði.

A merry-go-round with Christmas decorations

Aðventuferðir

Aðventan er ævintýralegur tími þar sem ljósin kvikna og mannlífið blómstrar í litríkum verslunargötum um allan heim. Þetta er tími til að njóta í nýju umhverfi og láta streitu og hversdagsleikann líða úr sér fyrir langþráð jól. Sumir kjósa jafnvel að verja sjálfum hátíðunum erlendis í afslöppun. Hvort sem þú velur að rölta um fallega jólamarkaði í gamalli stórborg, kíkja í spennandi búðir í Ameríku í leit að framandi jólagjöfum eða slaka á á ströndinni, skaltu gefa þér fleiri gæðastundir og gleyma þér í ævintýralegu umhverfi erlendis á aðventunni.

Skíðafrí

Skíðaáfangastaðirnir okkar eru hver öðrum ævintýralegri en hver með sinn einstaka sjarma. Í New York er að finna fleiri skíðasvæði en í nokkru öðru fylki Bandaríkjanna og Verona er skammt frá heimsfrægum skíðasvæðum í ítölsku Ölpunum. Hvernig hljómar ævintýraleg fjallasýnin í Salzburg? Hvað með guðdómlegt alpaútsýnið í Genf nú eða gullfalleg Pýreneaföllin í akstursfjarlægð frá Barcelona? Við erum að tala um brekkur fyrir alla getuhópa, metnaðarfulla skíðaskóla, dásamlega aðstöðu, spennandi brettagarða, framúrskarandi aprés-ski og gullfallegt umhverfi. Þetta er rétti tíminn til að gramsa í geymslunni, bera á skíðin og bóka flugið því þú munt bruna niður brekkurnar í sannkallaðri skíðaparadís í vetur. Það borgar sig að bóka skíðaflugið tímanlega.

Strandfrí

Strandáfangastaðirnir okkar eru jafnfjölbreyttir og þeir eru margir og hver með sinn einstaka sjarma. Sumir vilja komast í sjóinn, læra á brimbretti, kynna sér köfun eða snorkla yfir kóralrifi. Aðrir vilja geggjaða matarmenningu, hámenningarlega stórborg og dúnmjúkar lúxusstrendur allt í einum pakka. Einhverjir þurfa úrval af skemmtistöðum, framúrskarandi hanastél og litríkt næturlíf á meðan sumir ferðast með ömmu, unglingum og leikskólabörnum og þurfa eitthvað fyrir alla. Hverjar svo sem hugmyndir þínar um ströndina eru, ættir þú að geta fundið draumaáfangastaðinn í okkar frábæra úrvali af áfangastöðum.

Hvað er að frétta?

Vertu áskrifandi að fréttabréfinu okkar og þú missir aldrei af bestu tilboðunum, nýjustu áfangastöðunum og fleiri skemmtilegum fréttum. Þú hefur engu að tapa!

LEIKVÖLLURINN
PLAYLISTINN
FYRIRSPURNIR
SAMFÉLAGSMIÐLAR

Fly Play hf., Reykjavík

2024. Allur réttur áskilinn.