Stingdu tánum í sandinn
Það jafnast fátt á við góða strandferð í glampandi sól og hita.
Strandáfangastaðirnir okkar eru jafnfjölbreyttir og þeir eru margir og hver með sinn einstaka sjarma. Sumir vilja komast í sjóinn, læra á brimbretti, kynna sér köfun eða snorkla yfir kóralrifi. Aðrir vilja geggjaða matarmenningu, hámenningarlega stórborg og dúnmjúkar lúxusstrendur allt í einum pakka. Einhverjir þurfa úrval af skemmtistöðum, framúrskarandi hanastél og litríkt næturlíf á meðan sumir ferðast með ömmu, unglingum og leikskólabörnum og þurfa eitthvað fyrir alla. Hverjar svo sem hugmyndir þínar um ströndina eru, ættir þú að geta fundið draumaáfangastaðinn í okkar frábæra úrvali af áfangastöðum.
Þessi sérstaka borg á suðausturströnd Spánar er verðugur áfangastaður fyrir alla ferðalanga. Alicante er best þekkt fyrir sólríkar strendur og hressandi næturlíf en höfum það á hreinu að borgin er mun fjölbreyttari en flesta grunar.
Aþena er heimsfræg fyrir menningarsöguna og magnaðar minjar þess efnis. En Aþena er ekki bara menningarrisi á heimsmælikvarða heldur liggur borgin einnig skammt frá einhverjum bestu ströndum Miðjarðarhafsins.
Ef hugmyndin er að finna fjölbreyttan áfangastað komast fáar borgir með tærnar þar sem Barcelona hefur hælana. Þessi sólríka stórborg á austurströnd Spánar er evrópsk nútímaborg með sögulegum djásnum og dásamlegum baðströndum.
Fuerteventura, ein af spænsku Kanaríeyjunum, er tilvalinn áfangastaður til að stranda á. Þessi töfrandi Kanaríeyja státar af gullfallegri strandlengju og tærum sjó en hér þykja aðstæður til útivistar fyrsta flokks.
„Kanarí“ eins og Íslendingar kalla hana oftast er ekki stór eyja en hér er að finna óviðjafnanlega náttúrufegurð og fjölbreytta áfangastaði, þ.m.t. Las Palmas, höfuðborg Kanaríeyja en meira að segja borginni fylgir stórfengleg strandlengja.
Í Lissabon má finna lifandi listasenu og framsækna matargerð þar sem allt er í boði, svo lengi sem það bragðast vel. Gylltar strendur borgarinnar ramma inn bæði Atlantshafið og þessa unaðslegu upplifun fyrir öll skynfærin.
Skelltu þér í sólina sem lifir þar allt árið um kring, sjáðu stórkostlegt landslagið, prófaðu fyrsta flokks vín og njóttu hlýrrar portúgalskrar gestrisni á þessari heittempruðu paradísareyju.
Malaga er ekki bara sólríkasti borg Spánar heldur einnig ein af elstu borgum Evrópu en hér er veðráttan dýrðleg, útsýnið magnað og kjöraðstæður til að lifa í vellystingum.
Umhverfi Mallorca, náttúran og hafið er eins og úr öðrum heimi með skærbláan sjó, gylltar strendur, litríkan gróður og sjarmerandi þorp. Þetta er fyrst og fremst hlý og hugguleg eyja.
Marrakesh er dáleiðandi blanda af gamaldags dulúð og nútímalegum krafti, sem hvetur gesti til að kanna völundarhús hennar, iðandi souk-markaði og glæsilega byggingarlist.
Porto þykir ein fallegasta borg Evrópu enda státa framhliðar húsanna í elsta hluta borgarinnar gullfallegum azulejo-flísum í bláu og hvítu og áin Douro lykkjast um litríkar göturnar.
Ævintýralegar strendur og náttúrufegurð strandborgarinnar Split lætur engan ósnortinn. Ef Króatía er draumurinn þá er Split sannarlega staðurinn.
Má bjóða þér frí í sólinni á eyju rétt utan við strendur Afríku þar sem sólin skín nánast alla daga á strendur og sumardvalarstaði með fallegum klettum og fjalllendi í bakgrunni?
Hvað er að frétta?
Vertu áskrifandi að fréttabréfinu okkar og þú missir aldrei af bestu tilboðunum, nýjustu áfangastöðunum og fleiri skemmtilegum fréttum. Þú hefur engu að tapa!
