Skoða efni

Röskun á flugi

Ef röskun verður á fluginu þínu þá sendum við þér upplýsingar um næstu skref í tölvupósti og smáskilaboðum (sms)

Við skiljum vel þau óþægindi sem hljótast af töfum á flugi og þegar ferðaáætlanir raskast óvænt.

Í þeim tilvikum munum við gera okkar besta til að koma þér á áfangastað eins fljótt og auðið er.

Samskipti

Ef breyting er gerð á flugáætlun munum við senda nákvæmar upplýsingar um næstu skref á tengiliðaupplýsingar sem gefnar voru í bókun, það er netfang og símanúmer sem var uppgefið við bókun.

Hafa ber í huga að ef þú bókaðir í gegnum þriðja aðila þá gætu tengiliðaupplýsingar verið hjá þeim aðila og ekki þitt netfang eða símanúmer. Í þeim tilfellum, er mikilvægt að hafa samband við þjónustuteymið okkar sem getur þá aðstoðað með framhaldið.

Ef þú ert hluti af hóp og hefur ekki gefið upp þitt netfang eða símanúmer er mikilvægt að hafa samband við tengilið hópsins sem ætti að hafa fengið allar upplýsingar á sitt netfang og símanúmer.

Spjallmennið okkar Playfin ætti svo líka að vera með puttann á púlsinum þegar kemur að röskun á flugi svo það má endilega prófa að spyrja hann. Þú getur ýtt á hann hérna niðri í hægra horninu á síðunni.

Innritun og brottfararhlið

Innritun fyrir flug lokar 1 klst fyrir upphaflega áætlaðan brottfarartíma. Ef breyting verður á innritunartíma munum við veita þér þær upplýsingar sérstaklega.

Brottfararhlið lokar í síðasta lagi 15 mínútum fyrir brottfarartíma.

Seinkun yfir nótt

Ef flugi þínu seinkar yfir nótt á öðrum áfangastað en í heimalandi þínu þá gætir þú átt rétt á hótelgistingu á kostnað flugfélagsins.

Við munum gera okkar besta við að útvega gistingu í gegnum rafrænan hlekk þar sem þú getur bókað gistingu á kostnað PLAY. Ef af einhverjum ástæðum þér berst ekki hlekkurinn eða hann virkar ekki sem skyldi, þá færðu nánari leiðbeiningar um næstu skref. Þessar upplýsingar eru sendar á tengiliðaupplýsingar úr bókun.

Ef til þess kemur að þú þarft að sjá um að útvega þér hótelgistingu þá er mikilvægt að muna að halda þarf kostnaði í lágmarki og bóka ætíð ódýrustu gistingu sem völ er á til að tryggja fulla endurgreiðslu á útlögðum kostnaði.

Haltu öllum kvittunum og sendu inn kröfu á kröfudeildina sem tekur afstöðu til allra endurgreiðslna.

Matur og ferðakostnaður

Endurgreiðsla á matarútgjöldum er metin í samræmi við lengd seinkunar og munum við aðeins endurgreiða ferðakostnað í samræmi við hana.

Ef að seinkun á sér stað á flugvelli ættir þú að fá matarmiða þar sem upphæð er metin miðað við áfangastað og lengd seinkunar. Matarmiðar eru gefnir út í formi fyrirframgreiddra korta. Nánari leiðbeiningar eru sendar á netfang og símanúmer.

Ef til þess kemur að þú færð ekki senda matarmiða eða nánari leiðbeiningar, ber að halda matarkostnaði í lágmarki og einungis er endurgreiddur hæfilegur matarkostnaður á meðan á seinkun stendur. Athugið að áfengir drykkir fást ekki endurgreiddir.

Athugið að seinkun er skilgreind frá upprunalegum brottfarartíma.

Haltu öllum kvittunum og sendu inn kröfu á kröfudeildina sem tekur afstöðu til allra endurgreiðslna.

Ferðalög til/frá flugvelli

Innritun hafin á flugvelli

Ef farþegar eru mættir út á flugvöll og töskuafhending byrjuð þegar tilkynning um seinkun yfir nótt er send á netfang og símanúmer, gætu farþegar átt rétt á akstri milli flugvallar og hótels. Nota þarf almenningssamgöngur þegar mögulegt er. Farþegar eru hvattir til að nýta akstur (airport shuttle) sem er í boði á vegum hótelsins.

Haltu öllum kvittunum og sendu inn kröfu á kröfudeildina sem tekur afstöðu til allra endurgreiðslna.

Að breyta flugi eða afbóka

Ef röskun á flugi felur í sér að það er fellt niður eða því seinkað um +5 tíma gætir þú átt rétt á að breyta ferðadagsetningu þinni eða afbóka það og fá það endurgreitt. Það á við um seinkaða flugið og önnur flug undir sama bókunarnúmeri.

Upplýsingar um slíkt eru sendar á tengiliðaupplýsingar úr bókun og þar er boðið upp á viðeigandi valmöguleika hverju sinni.

Evrópsk reglugerð EC 261/2004

Upplýsingar um réttindi flugfarþega má finna hérHlekkur opnast í nýjum flipa.

Einnig má finna upplýsingar á vef Samgöngustofu hérHlekkur opnast í nýjum flipa.

Aðstoð

Við leggjum mikla áherslu á stafræna þjónustuvegferð í öllum okkar samskiptum.

Ef röskun er á flugi munum við upplýsa þig um gang mála og næstu skref í gegnum netfang og símanúmer. Okkar markmið er að afgreiðsla mála í þessum tilfellum gangi vel og að farþegar okkar fái tíðar og greinargóðar upplýsingar.

Playfin, spjallmennið okkar hér til hægri neðst á síðunni, er ávallt til þjónustu reiðubúinn sem og okkar frábæra þjónustuteymi sem er hægt að hafa samband við hér.