Skoða efni

Mikilvæg skilaboð varðandi flugið þitt með PLAY

Staða COVID-19 heimsfaraldursins er stöðugt að breytast og það sama á við um reglur og takmarkanir í hverju landi. Við mælum með því að farþegar kynni sér nýjustu reglur um sóttkví og aðrar upplýsingar varðandi COVID-19.

Grímunotkun

Notkun andlitsgríma á flugvellinum og um borð í flugi er skylda.

Allir farþegar PLAY þurfa að vera með andlitsgrímu meðan á flugi stendur. Farþegar verða að koma með eigin grímu sem hylur bæði nef og munn.

Ef að flugið þitt er lengra en 4 klukkustundir þá mælum við með að þú hafir fleiri en eina grímu meðferðis.

Vinsamlegast athugið að börn fædd 2005 og síðar falla ekki undir þessa reglu.

Fyrir flug til Íslands

Farþegum er ráðlagt að undirbúa sig vel fyrir flug til að tryggja sér þægilegt ferðalag um flugvelli heimsins á meðan COVID-19 heimsfaraldurinn stendur yfir.

Á þessari vefsíðu má finna viðeigandi upplýsingar um COVID-19 próf, sóttkví, eða viðeigandi gögn . Kröfur geta verið mismunandi milli farþega eftir því hvaðan þeir koma og hver tengsl þeirra við íslenskt samfélag eru.

Allir farþegar á leið til Íslands þurfa að forskrá sig á visit.covid.is og sýna fram á skráninguna áður en þeir ganga um borð. Vinsamlegast mætið tímanlega á flugvöllinn og hafið öll viðeigandi gögn tilbúin til skoðunar fyrir flugið.

Athugið að yfirvöld gefa út reglugerðir fyrir ákveðinn tíma. Farþegar þurfa að vera meðvitaðir um hvaða takmarkanir gilda fyrir þeirra ferðadag.

Fyrir flug frá Íslandi

Við krefjum farþega ekki um nein aukaleg vottorð eða gögn, önnur en þau sem stjórnvöld í viðkomandi landi biðja um. Á heimasíðu okkar má finna helstu hlekki sem vísa á upplýsingar um reglur og takmarkanir vegna COVID-19 á áfangastöðum okkar.

Flest lönd krefjast þess að farþegar fylli út form til að forskrá sig inn í viðkomandi land. Vinsamlegast mætið tímanlega á flugvöllinn og hafið öll viðeigandi skjöl tilbúin til skoðunar fyrir flugið.

Athugið að yfirvöld gefa út reglugerðir fyrir ákveðinn tíma. Farþegar þurfa að vera meðvitaðir um hvaða takmarkanir gilda fyrir þeirra ferðadag.

Meðan á flugi stendur

Við mælum með handþvotti og handspritti eftir að farþegar hafa farið í gegnum almenn rými og snertifleti.

Andlitsgrímur verða að hylja bæði nef og munn meðan á flugi stendur. Farþegar geta tekið niður grímur meðan þeir borða og drekka.

Við bjóðum upp á snertilausar greiðslur um borð fyrir mat og drykk.

Salerni um borð í Airbus-flugvélum eru hönnuð með snertiflötum sem hrinda frá sér örverum og snertilausum búnaði til að draga enn frekar úr smithættu.

Að lokum

Allir farþegar eru ábyrgir fyrir því að fylgja gildandi reglum í því landi sem þeir ferðast til. PLAY ber ekki ábyrgð á því að farþegum er neitað um borð sem uppfylla ekki skilyrði áfangastaðar.

Við hvetjum farþega okkar til að kíkja á heimasíðuna okkar og kynna sér sóttvarnaraðgerðir okkar vegna COVID-19.